Pwyllgorau

Gwirfoddolwyr yw’r Cynghorwyr sy’n cynrychioli’r gymuned. Mae ganddynt ystod eang o brofiadau a gwahanol gefndiroedd ynghyd ag amrywiaeth o safbwyntiau gwleidyddol sy’n cyfoethogi’r Cyngor Tref!

Cynhelir cyfarfodydd llawn yn fisol sy’n cynnig cyfleoedd i drafod pob math o faterion yn lleol, yn sirol, yn genedlaethol ac yn rhyngwladol a godir gan aelodau’r gymuned. Nôd y cyfarfodydd yw gweithio tuag at wella’r dref a’i gwneud yn fwy gwydn i ymdopi gyda’r heriau a osodir ar gymdeithas. Mae’r Cyngor Tref yn ymfalchïo ei bod yn gweithio trwy ddulliau  rhagweithiol, yn gweithio’n gadarnhaol ac yn gefnogol wrth gyflawni ei dyletswyddau dinesig.

Mae’r Cyngor Tref cyn cydweithio’n agos gyda Chyngor Sir Ceredigion er sicrhau bod Llanbed hyn derbyn sylw ac yn rhan o brosiectau sirol a chenedlaethol, sy’n canolbwyntio ar adfywio cymunedau yng Nghymru. Mae’r Cynghorwyr yn aelodau o nifer o bwyllgor (gweler isod) sy’n adrodd yn ôl i’r Cyngor Tref lawn.

Mae’r pwyllgorau yn gwneud gwaith ‘caib a rhaw’ y Cyngor Tref a gellir dod i wybod ychwaneg am waith, cynlluniau a gweledigaeth bresennol y Cyngor Tref trwy ymweld gyda’r wefan.

Cewch yno agenda, cofnodion a’r dogfennau sy’n berthnasol i’r Cyngor Tref. Mae croeso i’r cyhoedd ddod i gyfarfodydd misol llawn y Cyngor Tref.