Digwyddiadau

Chwefror

Trefnir gan dîm o wirfoddolwyr lleol ac fe’i cynhelir ar Gampws Llanbed Prifysgol Cymru Y Drindod Dewi Sant. Mae’n gyfle i flasu a mwynhau dewis eang o gwrw a seidr lleol a rhanbarthol o Gymru.

Mawrth

1af o Fawrth yw Dydd Gŵyl Dewi, Nawddsant Cymru. Mae'r dref yn dathlu gyda gorymdaith draddodiadol a lliwgar ynghyd â gweithgareddau eraill i ddathlu Dydd Gŵyl Dewi.

Gorffennaf

Dyma sioe boblogaidd iawn sy’n arddangos y gorau o’r hyn sydd gan y gymuned amaethyddol i’w chynnig. Cynhelir y Sioe Amaethyddol ar gaeau Fferm Pontfaen yn Llanbed ac ymhlith yr atyniadau mae amrywiaeth o stondinau crefftau, bwyd a busnesau amaethyddol ynghyd â chystadlaethau sy’n cynnwys dosbarthiadau ceffylau, defaid a  gwartheg.

Gorffennaf

Mae’r Ŵyl Fwyd blaenllaw hon yn denu busnesau ac ymwelwyr o bell ac agos i Lanbed. Os ydych yn mwynhau blasu pob math o fwydydd a diodydd, ac am gyfle i gyfarfod â gwneuthurwyr a chynhyrchwyr Cymreig, yna mae'n rhaid i chi ymweld â Gŵyl Fwyd Llanbed. Fe’i cynhelir yn flynyddol yng Ngorffennaf ar Gampws Llanbed Prifysgol Cymru Y Drindod Dewi Sant. Daw â’r gorau yn lleol ac o sawl ardal yng Nghymru i Lanbed ac mae’n gyfle i’w blasu a’i phrynu.

Awst

Mae’r Carnifal yn ddigwyddiad ar gyfer pob oedran ac i’r teulu cyfan. Gellir ymuno yng ngorymdaith y carnifal drwy’r dref a mwynhau diwrnod sy’n llawn yn hwyl. Trefnir gan dîm o wirfoddolwyr yn flynyddol yn Awst.

Awst

Cynhaliwyd y digwyddiad diwylliannol yma’n flynyddol ers dros hanner canrif. Mae’n dathlu ein hiaith, ein diwylliant, ein treftadaeth â’n Cymreictod. Mae’n gyfle perffaith i fwynhau amrywiaeth o berfformiadau gan gantorion, cerddorion, llefarwyr a beirdd amryddawn yn lleol a thu hwnt. Trefnir gan dîm o wirfoddolwyr yn flynyddol yn Awst.

Tachwedd a Rhagfyr

Cynhelir Ffair Nadolig ar Gampws Llanbed Prifysgol Cymru Y Drindod Dewi Sant. Mae’n gyfle i’r Brifysgol a’r Dref ddod ynghyd ac fe’i trefnir gan staff y Brifysgol a gwirfoddolwyr o’r dref yn cynnwys aelodau o’r Cyngor Tref ac o Siambr Fasnach Llanbed. 

Cynhelir gwasanaeth Plygain traddodiadol yn flynyddol fel arfer yng Nghapel Dewi Sant ar Gampws Llambed y Drindod Dewi Sant.

Tachwedd a Rhagfyr

Daw naws y Nadolig i Lanbed wrth i siopau a busnesau’r dref agor eu drysau yn hwyr gyda’r nos. Mae croeso i bawb siopa, cwrdd â ffrindiau a hyd yn oed ymweld â groto Siôn Corn, ar noson hyfryd o siopa ac adloniant. Mae tref Llanbed yn edrych yn Nadoligaidd iawn gyda’r holl Oleuadau Nadolig, y Goeden Nadolig mawr a’r Coed Nadolig bach yn addurno’r dref.

Bob Mis

Cynhelir ar yr 2il a’r 4ydd dydd Sadwrn o bob mis rhwng  10am i 1pm ar Gampws Llanbed Prifysgol Cymru Y Drindod Dewi Sant. Mae'r farchnad yn cynnig y cyfle yn fisol i brynu amrywiaeth o gynhyrchion gan gyflenwyr a chrefftwyr lleol, i gwrdd â chyfeillion a mwynhau paned o de neu goffi wrth wrando ar gerddoriaeth gam gerddorion lleol.